चिंचोटी-कामण-भिवंडी रस्त्यासाठी सार्वजनिक बांधकाम विभागाच्या विरोधात काँग्रेसचे रास्ता रोको आंदोलन.
वसई : - महाराष्ट्र प्रदेश काँग्रेस कमिटीच्या पर्यावरण विभागाचे प्रदेशाध्यक्ष समीर सुभाष वर्तक यांच्या नेतृत्वाखाली तसेच काँग्रेसच्या व्यापारी विभागाचे प्रदेश सरचिटणीस के अश्रफ यांच्या पुढाकाराने चिंचोटी येथे चिंचोटी कामण - भिवंडी हा पालघर व ठाणे या जिल्ह्यांना जोडणारा महत्त्वपूर्ण महामार्ग वर्षानुवर्षे नादुरुस्त असून एक प्रकारे तो प्रवाशांचा जीव घेणारा मृत्यूचा सापळा बनलेला आहे. म्हणून खड्डे महेश असलेल्या या रस्त्याच्या रस्त्याच्या दुर्दशेसाठी जबाबदार असलेल्या सार्वजनिक बांधकाम विभाग, भिवंडी यांच्या विरोधात रास्ता रोको आंदोलन करण्यात आले. जवळपास दोन तास चाललेल्या या आंदोलनामुळे झालेल्या वाहतूक कोंडी सोडवितांना पोलीस खात्याची फार मोठी दमछाक झाली. यावेळी सार्वजनिक बांधकाम विभागाचे उप अभियंता श्री गीते आणि कनिष्ठ अभियंता श्री परदेशी हे प्रत्यक्ष आंदोलन स्थळी पोहोचल्यावर आंदोलनकर्ते समीर वर्तक यांनी त्यांना रस्त्यावरतीच बसण्यास भाग पाडले आणि जाहीरपणे या रस्त्याच्या दुर्दशेबद्दल माहिती देऊन हा रस्ता दुरुस्त कधी होणार ? ठेकेदारावरती कारवाई कधी होणार ? अनेक प्रश्न विचारले असता उप अभियंता श्री गीते यांनी जाहीरपणे आंदोलनकर्त्यांना उत्तर दिले. त्यामध्ये 15 जून पर्यंत हा रस्ता दुरुस्त करण्यासंदर्भात माननीय उच्च न्यायालयाचे आदेश असून जर 15 जून पर्यंत रस्ता दुरुस्त झाला नाही तर ठेकेदारावर कायदेशीर कारवाई करण्यात येईल. प्रमाणे आंदोलनकर्त्यांच्या मागणीप्रमाणे दुरुस्तीचे काम चालू असताना सुरक्षिततेचे नियम पाळण्यासंदर्भात ठेकेदाराला आदेश देण्यात आलेले असून ठेकेदारावरती योग्य कारवाई करण्यासंदर्भात लेखी पत्राद्वारे कळविण्यात आलेले आहे.
या आश्वासनानंतर माननीय उच्च न्यायालयाचा मान राखून हे रास्ता रोको आंदोलन 15 जून पर्यंत स्थगित करण्यात आले. पण तू जरा रस्ता पूर्ण झाला नाही तर ह्यापेक्षा तीव्र आंदोलनाचा इशारा आंदोलनकर्त्यांनी दिलेला आहे.
या आंदोलनात महाराष्ट्र प्रदेश काँग्रेस कमिटीच्या पर्यावरण विभागाचे प्रदेशाध्यक्ष समीर सुभाष वर्तक यांच्या सोबत व्यापारी सेलचे प्रदेश सरचिटणीस के अश्रफ, पर्यावरण विभागाचे प्रदेश सरचिटणीस अम्मार पटेल, निजाम खान, सचिव अमीर देशमुख, इब्राहिम बकाई, सामाजिक न्याय विभागाचे प्रदेश सचिव अश्रफ मलिक, सामाजिक कार्यकर्ते शशी सोनवणे, मुंबई विद्यापीठाचे माजी कुलसचिव दिनेश कांबळे, राष्ट्रवादी काँग्रेसचे सोहेल खान, जिल्हा उपाध्यक्ष व प्रदेश प्रतिनिधी आनंद चौबे, विरार ब्लॉक काँग्रेस कमिटीचे अध्यक्ष नितीन उबाळे, डहाणूतील मृत्युंजय ग्रुपचे हरबल सिंग आणि रवीशजी, पर्यावरण विभागाचे भिवंडी शहराचे जिल्हाध्यक्ष नौशाद अंसारी आणि वसई विरार चे जिल्हाध्यक्ष डेरीक फुर्टाडो, जिल्हा पदाधिकारी संदीप किणी, संजय पाटील, कुंदन नाईक, अमीर सय्यद, संकेत वसईकर, संदेश भोईर, जमील देशमुख, सुनील डावरे, सामाजिक न्याय विभागाचे जिल्हाध्यक्ष आलम अंसारी, जिल्हा पदाधिकारी सोहेल चौधरी, इरशाद खान, सेवादलचे सोहेल खान, सादिक खान, मौलाना जिया उल हक, तसेच अनेक काँग्रेस पक्षाचे पदाधिकारी आणि असंख्य कार्यकर्ते त्याचप्रमाणे आजूबाजूच्या गावातील अनेक नागरिक यावेळी आंदोलनात सहभागी झाले होते.