दि . १२ जून २०२५ वार - गुरुवार [ मुख्य संपादक - नजीर मुलाणी ] वसई
प्रतिनिधी - सोमनाथ टोकरे
-पालघर, दि. १२ जून : आदिवासी समाजाच्या आर्थिक व सामाजिक सशक्तिकरणासाठी केंद्र शासनाच्या वतीने 'प्रधानमंत्री धरती आबा जनजातीय ग्राम उत्कर्ष अभियान' राबवण्यात येत आहे. या अभियानांतर्गत पालघर जिल्ह्यातील ६५४ गावांमध्ये १५ जून ते ३० जून २०२५ या कालावधीत विशेष जनजागृती मोहिम राबविण्यात येणार आहे.या अभियानाचा मुख्य उद्देश म्हणजे आदिवासी बांधवांना केंद्र व राज्य शासनाच्या विविध कल्याणकारी योजनांचा प्रत्यक्ष लाभ गावपातळीवर उपलब्ध करून देणे होय. अभियानाची प्रभावी अंमलबजावणी सुनिश्चित करण्यासाठी जिल्हास्तरावर तसेच तालुकास्तरावर समित्या स्थापन करण्यात आल्या आहेत.पालघर जिल्ह्यात एकात्मिक आदिवासी विकास प्रकल्प कार्यालयांतर्गत विविध तालुक्यांतील गावांचा समावेश करण्यात आला आहे. जव्हार – १०७, मोखाडा – ५३, विक्रमगड – ९३, वाडा – ८७, पालघर – ९२, तलासरी – ३७, डहाणू – १६३ आणि वसई – २२ या गावांमध्ये ही जनजागृती मोहीम राबविली जाणार आहे.या मोहिमेदरम्यान गावांमध्ये शिबिरे आयोजित करून नागरिकांना खालील सेवा उपलब्ध करून दिल्या जाणार आहेत:आधार कार्ड व आयुष्मान भारत कार्ड नोंदणीजात प्रमाणपत्र व इतर शासकीय दस्तऐवजपीएम किसान योजना व जनधन खाते उघडणीई-सेवा सुविधासिकलसेल आजारासंदर्भात जनजागृतीयाशिवाय आरोग्य, अन्न व नागरी पुरवठा, पंचायत राज, सामाजिक न्याय, कृषी, महसूल आदी विभागांमार्फत विविध लाभ योजना प्रत्यक्ष दिल्या जाणार आहेत.या अभियानामुळे आदिवासी समुदायाच्या जीवनमानात सकारात्मक बदल घडून येईल, असा विश्वास जिल्हाधिकारी डॉ. इंदूराणी जाखड यांनी व्यक्त केला असून, सर्व संबंधित विभागांनी मोहिमेत सक्रिय सहभाग नोंदवावा, अशा सूचनाही त्यांनी दिल्या आहेत
No comments:
Post a Comment
Thanks for your