दि . 4 जून 2025 वार - बुधवार [ मुख्य संपादक - नजीर मुलाणी ] (मुलाणी )
महाराष्ट्र प्रदेश काँग्रेस कमिटीच्या पर्यावरण विभागातर्फे 5 जून जागतिक पर्यावरण दिनानिमित्त महाराष्ट्रभर वृक्षारोपणाची सुरवात.
वसई : - 5 जून हा जागतिक पर्यावरण दिन, या दिनाच्या निमित्ताने महाराष्ट्र प्रदेश काँग्रेस कमिटीच्या पर्यावरण विभागातर्फे दिनांक 1 जून ते दिनांक 7 जून हा "पर्यावरण सप्ताह" म्हणून साजरा करण्यात येत आहे.
पर्यावरण सप्ताहा ची सुरवात आज 1 जून रोजी सकाळी महाराष्ट्र प्रदेश काँग्रेस कमिटीच्या पर्यावरण विभागाचे अध्यक्ष श्री समीर सुभाष वर्तक यांनी रायगड जिल्हा काँग्रेस पर्यावरण विभागाचे जिल्हाध्यक्ष राजीव पाटील यांच्या माध्यमातून रायगड काँग्रेसचे जिल्हाध्यक्ष महेंद्र घरत यांच्या वाढदिवसाचे औचित्य साधून उळवे, रायगड येथे पर्यावरण पूरक कापडाच्या पिशव्या वाटप करून केली.
त्यानंतर दुपारच्या सत्रात पनवेल जिल्हा काँग्रेसच्या पर्यावरण विभागाचे जिल्हाध्यक्ष सुरेश पाटील यांच्या माध्यमातून पनवेल मधील नावडे गावात कासाडी नदीच्या काठी पिंपळ, कडुनिंब तसेच इतर भारतीय वृक्षांचे वृक्षारोपण करण्यात आले.
याप्रसंगी पर्यावरण विभाग प्रदेश अध्यक्ष समीर सुभाष वर्तक यांच्यासोबत उपाध्यक्ष धनंजय पाटील, प्रदेश सचिव अनिल चौगुले, वसई विरार जिल्हाध्यक्ष डेरीक फुर्टाडो, जिल्हा सरचिटणीस संकेत वसईकर, माजी सैनिक महादेव निकम रायगड येथे रायगड जिल्ह्यातील पर्यावरण विभागाचे पदाधिकारी व पनवेल येथे स्थानिक पदाधिकारी राजेश बहेरा व आदम ढालाईत उपस्थित होते.