सविस्तर बातमी:सातारा जिल्ह्यातील मौजे पुळकोटी, ता. मान येथे १२ सप्टेंबर २०२५ रोजी सायंकाळच्या सुमारास घडलेल्या ६५ वर्षीय ज्येष्ठ नागरिक महिलेच्या निर्घृण खुनाचा अखेर उलगडा करण्यात सातारा पोलिस दलाला मोठे यश मिळाले आहे. महिलेचा घरात एकटी असताना अज्ञात इसमाने सोन्याचे दागिने आणि रोख रक्कम लुटण्याच्या उद्देशाने खून करून पुरावे नष्ट केले होते.या प्रकरणी म्हसवड पोलिस ठाण्यात गु.र.नं. २९९/२०२५, भा.दं.वि. कलम १०३(१), २३८ प्रमाणे गुन्हा दाखल करण्यात आला होता. गुन्हा अत्यंत क्लिष्ट आणि संवेदनशील स्वरूपाचा असल्याने पोलिस अधीक्षक श्री. तुषार जोशी, अपर पोलिस अधीक्षक डॉ. वैशाली कडूकर, आणि उपविभागीय पोलिस अधिकारी (दहिवडी) श्री. रणजीत सावंत यांनी विशेष पथक गठीत करण्याचे आदेश दिले होते.स्थानिक गुन्हे शाखा सातारा आणि म्हसवड पोलिस ठाणे यांच्या संयुक्त पथकाने अथक प्रयत्न, गुप्त बातमीदारी आणि तांत्रिक विश्लेषणाच्या मदतीने गुन्हा उघडकीस आणला. पोलिस निरीक्षक श्री. अरुण देवकर यांच्या नेतृत्वाखालील पथकाने संशयिताचा मागोवा घेतला. गोपनीय बातमीच्या आधारे शिरताव ता. मान येथील एक युवक जयसिंग उर्फ करण आप्पासो लोखंडे (वय २३) हा गुन्ह्यानंतर परागंदा झाल्याचे समोर आले.सदर संशयिताला पोलिसांनी ताब्यात घेऊन सलग ५ ते ६ तास सखोल चौकशी केली असता, त्याने गुन्ह्याची कबुली दिली. आरोपीने सोन्याचे दागिने आणि रोख रक्कम मिळवण्यासाठी खून केल्याचे निष्पन्न झाले आहे.आरोपीस आज सहाय्यक पोलिस निरीक्षक अक्षय सोनवणे यांनी माननीय म्हसवड न्यायालयात हजर केले असता, न्यायालयाने ९ दिवसांची पोलिस कोठडी मंजूर केली.---कारवाईत सहभागी अधिकारी व अंमलदार:
श्री. तुषार जोशी – पोलिस अधीक्षक, सातारा
डॉ. वैशाली कडूकर – अपर पोलिस अधीक्षक, सातारा
श्री. रणजीत सावंत – उपविभागीय पोलिस अधिकारी, दहिवडी विभाग
श्री. अरुण देवकर – पोलिस निरीक्षक, स्थानिक गुन्हे शाखा, सातारा
श्री. रोहित भरणे – सह पोलिस निरीक्षक, स्थानिक गुन्हे शाखा
पो.उ.नि. विश्वास शिंगाडे, पो.उ.नि. परितोष दातीर
पो.नि. अक्षय सोनवणे, पो.उ.नि. अनिल वाघमोडे (म्हसवड पो.स्टे.)
पो.नि. दत्तात्रय दराडे – दहिवडी पोलिस स्टेशन
पोलीस अंमलदार: शिवाजी गुरव, साबीर मुल्ला, सचिन साळुंखे, मंगेश महाडिक, सनी आवटे, अमोल माने, मुनीर मुल्ला, राकेश खांडके, अमित झेंडे, अजय जाधव, हसन तडवी, अमृत कर्पे, अमित सपकाळ, राजू कांबळे, गणेश कापरे, प्रवीण कांबळे, विजय निकम, स्वप्नील दौंड, धीरज महाडिक.
म्हसवड पोलिस स्टेशनचे: रवींद्र बनसोडे, नवनाथ शिरकुळे, अनिल वाघमोडेया सर्वांनी दोन महिन्यांच्या अथक परिश्रमाने क्लिष्ट खुनाचा उलगडा करून आरोपीला जेरबंद केले.पोलिस अधीक्षक श्री. तुषार जोशी आणि डॉ. वैशाली कडूकर यांनी या उत्कृष्ट कामगिरीबद्दल सर्व पथकाचे अभिनंदन केले असून, या कारवाईने सातारा पोलिस दलाच्या तपास क्षमतेचा ठसा उमटवला आहे.---
आरोपीचे नाव: जयसिंग उर्फ करण आप्पासो लोखंडे (वय २३, रा. शिरताव, ता. माण, जि. सातारा) गुन्ह्याचा उद्देश: सोन्याचे दागिने व रोख रक्कम मिळविण्यासाठी खून न्यायालयीन स्थिती: ९ दिवस पोलिस कोठडी तपास अधिकारी: पो.उप.अधी. श्री. रणजीत सावंत, दहिवडी विभाग
